Демократијата започнува кога народот ќе избере власт. Уставот определува што таа власт ќе работи. За власта да работи во интерес на граѓаните, Уставот мора да ги содржи и човековите права и слободи. На овој начин поединците се заштитуваат од самоволието на власта. Човековите права не можат да се одвојат од човековите обврски . Еден поединец ќе го оствари своето право, само ако друг ја исполнил својата обврска. Не можеме да очекуваме да ни биде остварено правото на чиста животна средина доколку постојано фрламе отпад на несоодветни места, гориме пластика и ги загадуваме реките. Не можеме да очекуваме почит доколку самите не се однесуваме со почит кон останатите. Воедно не можеме да ни бидат остварени правата доколку не ги почитуваме законите. Тие постојат за доброто на сите граѓани. Да не потсетуваат што е добро, а што не е. Но, доколку државата донесе закон кој не е соодветен, или не ги заштитува интересите на граѓаните, тогаш тие можат да го остварат своето право на протест.